Кадозь Кудо (текст) - Олёш

Слова: Числав Журавлёв Олгсо вельтязь кудо, Мон тонь эзинь сюдо, Зярдо ульнить кельме, Зярдо ульнить пси. Мон тонь эйсэ эринь,— Васень валон меринь Гайтев пакшань шкасто: — Авай! Тетяй! Кши! Кши! Тон авань кедьстэ Лиснить, теке медьстэ, Кандыть кудонь коштканть Вирень кстыень тансть. Эрить апак удо, Олгсо вельтязь кудо,— Кастыть яла эйкакшт, Конат паксяв вансть. Ней тонь велькссэ тумось Кашторды, прок чумо, Сырнень сэрят правты Сормсезь конят лангс. ... Весе тукшность умок, Кадовсь ансяк тумось: Нать, сон сехте парсте Педясь модань санс.