Մենք պետք է գործունեություն ծավալենք անկախ նրանից դա դուր է գալիս ինչ-որ մեկին, թե ոչ. Մետաքսե Հակոբյան

Արցախի Ազգային ժողովի «Արդարություն» խմբակցության պատգամավոր, «Արդարություն ու վերադարձ» հասարակական կազմակերպության համահիմնադիր Մետաքսե Հակոբյանը Sputnik Արմենիայի հետ զրույցում անդրադարձել է Արցախի իշխանությունների հասցեին` ՀՀ Ազգային Ժողովի ամբիոնից վարչապետ Նիկոլ Փաշինյանի պնդումներին` թե ԼՂ-ից բռնի տեղահանված որոշ շրջանակ կամա թե ակամա անում է գործողություններ և քայլեր, որոնք սպառնալիք են ստեղծում Հայաստանի համար։ Արցախի Ազգային ժողովի պատգամավորը վստահեցնում է, որ Արցախը երբեք չի եղել ու չի կարող սպառնալիք լինել Հայաստանի Հանրապետության համար։ Մետաքսե Հակոբյանի խոսքով` Արցախի հայաթափումից հետո վտանգները Հայաստանի շուրջ սարդոստայնի պես ավելացել են։