Россия бэрэсидьиэнэ Владимир Путин Саха АССР трттэммитэ 100 сылынан ээрдэлээтэ

Бүгүн, муус устар 27 күнүгэр, Саха АССР төрүттэммитэ 100 сылынан Россия бэрэсидьиэнэ Владимир Путин өрөспүүбүлүкэ дьонун-сэргэтин эҕэрдэлээтэ. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр. Өрөспүүбүлүкэ тэриллиитэ дойду сайдар суолун түстээбитин бэрэсидьиэн бэлиэтээтэ. «Бу сыллар устата Саха өрөспүүбүлүкэтигэр куораттар уонна бөһүөлэктэр тэрилиннилэр, бырамыысаланнас сайдар. Сиртэн хостонор баайдаах саҥа сирдэр арыллаллар, суол-иис сайдар. Саха норуота бэйэтин историятын, төрүт үгэстэрин, сиэрин-туомун үйэлэр тухары илдьэ сылдьар, тыйыс айылҕатын харыстыыр», — диэтэ Владимир Путин. Россия сайдыытыгар салгыы сүҥкэн кылааты киллэрэ туруоххут диэн эрэнэрин туһунан эттэ, ситиһиилэри, үтүөнү-кэрэни баҕарда.