Инн аз Байкалы уыдзн рыгон туристты пптурсеон мбырд

Фыццаджыдæр хъæуы сæрмагонд уæлæдарæс хиуыл раст скæнын æмæ уæд спортсмен цæттæ у бæрзæндтæм хæзынмæ. Профессионалон æгъдауæй ацы спорты чи архайы, уыдонæн æнцон у. Æрæджы дзы чи ис, уыдонæн та зындæр у. Ацы скъоладзаутæн дæсны къæдзæхтæм бырджытимæ у фыццаг тренировкæ. Зонынц æй, сæ арæхстдзинад сæ бæстонæй равдисын кæй хъæуы. Хуыздæртæ та æрвыст æрцæудзысты Байкалмæ, уым ацæудзæн æрыгон туристты æмбырд. Тараты Астемыр у 10-æм къласы ахуырдзау, профессионалон æгъдауæй спорты никуы архайдта. Фæлæ скалодромы та арæх вæййы. Йæ зæрдæмæ тынг цæуы. Къæдзхтæм бырыны спорт Цæгат Ирыстоны кæддæриддæр тынг парахат уыд. Фæлæ у тæссаг хуыз. Специалистты ныхæстæм гæсгæ, нырыккон сæрмагонд уæлæдарæс тынг хъахъхъæны спортсмены. Ахсджиаг у æрмæст æдасдзинады домæнтæ æххæст кæнын. Æрыгон туристты æппæтуæрæсеон æмбырд у традицион. Уæлахизыл фæтох кæнынц дæсгай командæйы æппæт Уæрæсейæ. Мах лæппутæн ацы хатт уыдзæн фыццаг. Сбæрæг кæндзысты 10 хуыздæр спортсмены. Фæсивæды цæттæ кæныны хъуыддаджы архайы республикæйы сæргълæууæг Сергей Меняйло. Æппæтуæрæсеон туристон æмбырд ацæудзæн ацы сæрды. Хи бацæттæ кæнынмæ нырма рæстæг ис. Фæсивæд сæхиуыл кусынц зæрдиагæй. Фæнды сæ фæлтæрддзинад радисын æмæ зæрдæ дарынц æрмæст уæлахизыл.