Республикански берий реабилитационни центра укх шерара итогаш

ЗаӀапхой е, могашал дика йоацача е берашта дарба деш йолча, Магасерча Республикански реабилитационни центре дуккха хувцамаш хиннад укх шера. Царна юкъе керттера дар да хано дӀаехача бесса йолча кердача оборудованеца дарбанчен кхоачам бар а, цунца берашта доагӀаш дола дарба де вӀаштӀехьадалар а. ДегӀа маьженаш шоай доалахьа йоацача берашта дарба деш лораш гойташ дола толамаш цхьайолча хана цецвоаккхаш хул.