Biometrik malumotlar nima U qanday tartibda olinadi

2024-yil 1-dekabrdan Rossiyada migrantlardan biometrik ma’lumotlar yig‘ish boshlandi. Hozircha biometrik ma’lumotlar faqat Moskva aeroportlariga uchib kelayotgan va Orenburg viloyatidagi chegara punkti orqali Rossiyaga kelayotgan muhojirlardan olinmoqda. Quyida ushbu jarayon va uning qanday tashkil qilingani haqida asosiy savollarga javob beramiz. 🔹Biometrik ma’lumotlar nima? Bu barmoq izlari va yuzni rasmga olishdir. 🔹Kim biometrik ma’lumotlarni topshirishi kerak? Biometriya ma’lumotlari Rossiyaga 90 kundan ortiq muddatga kelayotgan xorij fuqarolaridan olinadi. Ma’lumotlar Rossiyaga kelishda ham va agar avval bu jarayondan o‘tmagan bo‘lsangiz, ketishda ham olinadi. 🔹 Agar menda ikki fuqarolik bo‘lsa-chi? Agar sizda Rossiya fuqaroligi bo‘lsa, biometrik ma’lumotlarni topshirishingiz shart emas. 🔹 Jarayon qanday o‘tadi? Chegaradan o‘tishda sizning yuzingizni suratga olishadi va barmoq izlaringizni skanerlashadi. Bir odam uchun jarayon taxminan 5 daqiqa davom etadi. Jarayon qanday o’tishi haqida videoni ko‘rishingiz mumkin. Olingan biometrik ma’lumotlar quyidagi tashkilotlarga yuboriladi: Ichki ishlar vazirligi (МВД), Federal xavfsizlik xizmati (ФСБ), Tashqi ishlar vazirligi (МИД), Rossiya Transport vazirligi, Rossiya Raqamli rivojlanish vazirligi, Soliq xizmati (ФНС), Rossiya aviatsiyasi (Росавиация) va Moskva hukumati. 🔹 Biometrik ma’lumotlar qayerlarda olinadi? Biometrik ma’lumotlar ayni vaqtda Rossiyaning barcha hududlarida joriy etilgani yo’q. Biometrik ma’lumotlar tajriba tarzida hozirgi paytda: - Moskvada: Sheremetyevo, Domodedovo, Vnukovo va Jukovskiy aeroportlarida - Orenburg viloyatidagi “Mashtakovo” avtomobil nazorat punktida (bu nazorat punkti Qozog‘iston bilan chegarada joylashgan)olinmoqda. Agar siz boshqa shaharlarga, masalan, Sankt-Peterburgga uchib kelgan bo‘lsangiz, hozirgi vaqtda biometrik ma’lumotlaringiz olinmaydi. 🔹 Nega bu loyiha tajriba deb atalmoqda? Chunki biometrik ma’lumotlar hozircha faqat bir nechta punktlarda yig‘ilmoqda. Agar tajriba muvaffaqiyatli o’tsa, 2025-yil iyun oyidan boshlab ushbu jarayon Rossiyaning barcha chegara punktlarida joriy etiladi. Shuningdek, shu vaqtga kelib, chet elliklar maxsus ilova orqali o‘zlari biometrik ma’lumotlarni oldindan topshirib, tashrif maqsadini ko‘rsatishlari ham mumkin bo‘ladi. 🔹 Biometrik ma’lumotlar nima uchun kerak? Biometrik ma’lumotlar chet elliklar uchun Rossiyada raqamli profil – o‘ziga xos onlayn-anketa yaratish uchun ishlatiladi. 🔹 Bu diskriminatsiyami? Rossiya migratsiya nazoratini kuchaytirayotgani haqiqat, lekin biometrik ma’lumotlarni yig‘ish noyob amaliyot emas. Masalan, shunga o‘xshash jarayon Yevropa Ittifoqi davlatlarida allaqachon joriy qilingan. AsiaPlus materiali asosida tayyorlandi Batafsil -