«Жер сатылмасын». Жеріміз үшін қалай және неге күресіп жүрміз?

2003 жылы даулы “Жер кодексі” қабылданды. Оның өзі қоғамда дау-дамай тудырып, референдум өткізілмеген күйі қалып, сол кездегі премьер-министр Иманғали Тасмағамбетов орнынан кеткен. Ал 2009 жылы Назарбаевтың “Қытай мемлекеті бізден соя мен рапс өсіру үшін 1 млн. гектар жерімізді сұрап отыр” деген сөзінен кейін жер мәселесі өрши түсті. Тарих беттеріне үңілсек, ғасырлар бойы ең өткір мәселелердің бірі - жер мәселесі. Бүгінгі шығарылымда әр кез өзекті жер мәселесін, оның шығу төркінін, сондай-ақ жаңа заң, ол бәріне нүкте қоя ма, митиңдер неге саябырсымай тұр деген тақырыптарды қозғаймыз.