Вивек Рамасвами дал интервью Пирсу Моргану из CNN по поводу действий Азербайджана против армян.

 РУС ENG Telegram Լրահոս  «Ձեր շոուից քանի՞ վայրկյան եք հատկացրել Լեռնային Ղարաբաղի նկատմամբ Ադրբեջանի արածին»․ ԱՄՆ նախագահի թեկնածուն CNN-ին մեղադրել է կողմնապահության մեջ (ՏԵՍԱՆՅՈՒԹ) Միջազգային Այսօր, 11:55  ԱՄՆ նախագահի հանրապետական թեկնածու Վիվեկ Ռամասվամին հարցազրույց է տվել CNN-ի Փիրս Մորգանին, որտեղ անդրադարձել է Ադրբեջանի կողմից Լեռնային Ղարաբաղի վրա հարձակմանն ու հաղորդման կողմից այդ իրադարձությունները չլուսաբանելուն՝ մեղադրելով կողմնակալ մոտեցման համար․ «Ձեր շոուից քանի՞ րոպե կամ վայրկյան եք հատկացրել Հայաստանի և Լեռնային Ղարաբաղի նկատմամբ Ադրբեջանի արածին։ Պատասխանը, հավանաբար, կլինի՝ զրո։ Ինչու՞ սա խոսակցության մաս չէ: Պարզապես այն պատճառով, որ լրատվամիջոցները որոշել են, որ դա այն չէ, ինչին պետք է ուշադրություն դարձնել: Քանի որ Ուկրաինային հաջողվել է իր դիրքորոշումը «վաճառել» ԱՄՆ-ին, ինչպես և Ադրբեջանին։  Այն, ինչ արել է Ադրբեջանը այս տարածաշրջանում սեպտեմբերին, արժանացել է լռության։ Ըստ ձեր ստանդարտների՝ դուք պետք է ավելի ծավալուն խոսեք այդ խնդիրների մասին։ Որովհետև եթե դուք Ուկրաինայի դեպքում խոսում եք, պետք է խոսեք նաև մյուս կոնֆլիկտների պարագայում։ Եկեք անկեղծ լինենք», - հայտարարել է Ռամասվամին։